ಲಾವಣಿ - ಮತಶಕ್ತಿ

ಕೇಳಿರಿ ಜನಗಳೇ

ಕೇಳಿರಿ ನೀವು

ಚುನಾವಣೆ ರಾಜ್ಯದಿ ನಡೆದೈತಿ

ಪ್ರಜಾಪ್ರಭುತ್ವದ ಕ್ರಾಂತಿಯ ನಾಂದಿ

ರಾಜ್ಯದಲೆಲ್ಲೆಡೆ ಹರಡೈತಿ

ಮತದಾನದ ಹಕ್ಕು

ನಮ್ಮಯ ಶಕ್ತಿ

ಚಲಾಯಿಸಿ ನೀವು ವಿವೇಚಿಸಿ

ಸರ್ಕಾರವ ರಚಿಸಲು

ನಿಮ್ಮಯ ಹಕ್ಕನು ತಪ್ಪದೇ 

ನೀವು ದಾಖಲಿಸಿ

ನಿಮ್ಮಯ ಮತವನು

ಮಾರಿಕೊಳ್ಳದಿರಿ 

ಆಸೆಯ ಮಾಡಿ ಪುಡಿಗಾಸಿಗೆ

ನಾಡನು ಕಟ್ಟುವ ಘನ 

ಹೊಣೆಗಾರಿಕೆ

ನಮ್ಮಯ ಮೇಲಿದೆ 

ಧ್ಯಾನಿಸಿರಿ

ಅಳುಕದೆ ಧೈರ್ಯದಿ 

ಮತವನು ಹಾಕಿ

ಜನಶಕ್ತಿಯ ನಾವು ಸಾರೋಣ

ಪ್ರಜಾಪ್ರಭುತ್ವದ ಸೌಂದರ್ಯವನ್ನು 

ಲೋಕಕೆ ನಾವು ತಿಳಿಸೋಣ

ಜನತಂತ್ರದಲಿ ಜನರೇ

ಜನಾರ್ಧನ

ಮತ ಕರ್ತವ್ಯವ

ಮರೆಯದಿರಿ

ಹಿರಿಯರು ಕಟ್ಟಿದ 

ನಾಡಿಗೆ ನಾವು ಎಲ್ಲರೂ 

ಶಕ್ತಿಯ ತುಂಬೋಣ

ಸರ್ವಜನಾಂಗದ ಶಾಂತಿಯ 

ತೋಟವ ಸರ್ವರೂ ಸೇರಿ

ಬೆಳೆಸೋಣ

ರಾಜ್ಯತಂತ್ರದ ಪರಂಪರೆಯನು

ಎಲ್ಲರೂ ಕೂಡಿ ಉಳಿಸೋಣ