ಬೆಳಕೆ ನೀ ತೊರೆಯದಿರು
ತಮಂಧವನು ಕಳೆದು
ಆವರಿಸು ಮನೆ ಮನಗಳ
ಪಯಣವೆಂದೆಂದೂ ಅನವರತ
ದಯೆ ಕರುಣೆ ಸಹನೆ ತಾಳ್ಮೆ
ಬೆಳಗು ಭಿನ್ನ ಬಗೆ ಬಗೆ
ಅಹಿಂಸೆ ಶಾಂತಿ ನೆಮ್ಮದಿ
ತೊಳಗು ಬೆಳಕೆ ವೈವಿಧ್ಯ
ಕತ್ತಲೆಯ ಕುರುಡು ದಾರಿ
ಭರವಸೆಯ ಬಣ್ಣದೋರಿ
ಹೊರಟು ಬಾ ಹೊಂಬೆಳಕೆ
ಜೊತೆಯಾಗಿರು ನೀ ನಂಬಿಕೆ
ಅಮೂರ್ತ ದಿಗ್ ದಿಗಂತ
ಕಂಡೆ ಎಂಬುದೊಂದು ಹರುಷ
ಕಾರುಣ್ಯದ ಕೈಹಿಡಿದು
ಕರೆದೊಯ್ ಅನಂತದೆಡೆಗೆ
ದಿವ್ಯಾನುಭೂತಿ ಸ್ಪರ್ಶ
ಮಾಯಾಜಾಲದಂತೆ ರೂಪ
ಧನ್ಯತೆಯದೋ ದರ್ಶನ
ಮರೆಯಾಗದಿರು ಹೀಗೊಮ್ಮೆ ಕಂಡು    
ಸರ್ವರಿಗೂ ಬೆಳಕಿನ ಹಬ್ಬದ ಹಾರ್ದಿಕ ಶುಭಾಶಯಗಳು
      ಚಂದ್ರಶೇಖರ ಹೆಗಡೆ
x
x
x